عربي | Kurdi | Türkçe | English

Di Sala 1978 an de, li bajarê Dirbêsiyê- li ser Sinorê Tirkiyê, li bakurê rojhilata Sûrî- ji dayik bûye. Ji ber ku Selah di nav hevwelatiyên herêmê ji Kurd, Ereb, Suryan, Ermen û Aşûriyan de mezin bûye, bandora mûzîk û çanda van miletan lê hebû û ji pilî mûzîka Kurdî xwe fêrî mûzîka Iraqî û Tirkî kiriye.

Di sala 2004 an de İnstituta muzîkê ya bilind “Conservatwar” li Şamê-Sûrya qedandiye. Di bêtirîn meydanekê de ji meydanên mûzîkê xebitiye, wek sazvan Karkirya û her wiha mamostetiya zanîngehê, afirandina mûzîkê(compozer) û dengbêjiyê kiriya, wiha jî di gelek aheng, festîval û şanoyan de li Sûrî û derve beşdar bûye, wek: Festîvala Wêneyên ji Rojhilata Navîn “Images of the Middle East” li gel komek Denîmarkî “Orientel Mood” li welatên Iskendenavî, Festîvala “Almedîne” Li Tûnis, Shanoya Navenda Misrê ya çand û hunerê li Qahîre û Mala Opêra li Şamê/Sûrî.

Selah Emmo beşdarî di gelek kargehên hunerî de bûye (Workshop), wek projeyê “The Art Residence Project” li Kopinhagnê bi piştgiriya navenda Denîmarkî ya çand û pêşketinê, û kargeha “Dramatic Interpretation” bi piştgiriya Dilsoziya Sûrî ya Vewjandinê û Opêra Berlin, hem jî kargeha îdara kiltûrî “Cultural Management” bi piştgêriya dezgeha Misrî û Belcîkî “Almewrid Althaqafî” û civata çandî ya Brîtanî “the British Council”.

Di sala 2007 an de komek bi navê Perên mûzîkê û dengbêjiyê “Joussour” damezrandye. Mijûlbûna vê Komê bi mûzîka gelên Şamê û gelên ku di navbera herdû çaman (Diclê û farat), anku li “Mezopotamya” de dijîn wek: Kurd, Erab, Siryan û Armen. Koma “Joussour” li gelek cih û şanoyên girîng li hundirê Sûrî û jidarvî wê geriyaya, wake: Mala Opêra li Şamê, Mûzîxana Naştîmanî li Şamê, Mala Hunerê “Art House” li Şamê, Şanoya Seyyid Derwîş-Mala Opêra Iskanderiyê li Misrê, Şanoya Qater a Niştîmanî- Dewha, Hola Arno Babacanyan li Yêrîvanê- Ermînya, û Mala Opêra Qahîra li Misrê di nav çalakiyên festîvala û konggira Mûzîka erabî ya 19 an de. Di sala 2009 an de koma “Joussour” xelata çêtırên komên ku beşdarî bajarê Vandazor li Ermînya bibûn, wergirt.

Di Sala 2010 an de, Selah Emmo Xelatek hûnerî li Misir stand ji bo tomarkirina elbomeke mûzîkî û dengbêjiyê ji koma “Joussour” çêke. Aw elbom di sala 2011 an de bi navê “Cih û Alî” derket. Selah wek sazvan têde, dengbêj û danerê mûzîkê bişdarî kirye, li gel çavdêriya hûnerî a giştî.
Ji pilî çêkirna stranan çi bi zimanê kurdî û çi bi zimanê Erebî wî mûzîk ji fîlman û Şanogeriyê re jî pêk anîne, wek: mûzîka fîlmê “Teksî ya Şamê” derhênana Alfoz Tencûr, ji berhemên “Al Jazeera Documentary”, mûzîka filmê “Ay Dil ” derhênana Ziyad Kulsûm û mûzîka şanogeriya “Bisad ahmedî” ya ku li Sûrî û li festîvala Qirtaj li Tunis hat pêşkêşkirin derhênana Hekîm Merzûqî.

Di sala 2011 an de Selah Ammo elboma xwe ya bi navê “Bayê Sibê” derxist. Elbom ji deh sitranên kurdî pêkhatiye.
Selah, niha li Paytexta Sûrî Şamê rûniştiye û xwe ji kar û xebata hunerê re valakiriye.